प्रचण्डलाई रामचन्द्र पौडेलले भने- नेकपा फुटे मिलेर सरकार बनाउँला

जनादेश खबर काठमाडौं कात्तिक १६, २०७७

सत्तारुढ दल नेपाल कम्युनिस्ट पार्टी नेकपा अन्तरद्वन्द चर्किएका बेला प्रमुख विपक्षी नेपाली कांग्रेसका वरिष्ठ नेता रामचन्द्र पौडेलले प्रचण्डलाई टेलिफोन गरेका छन् । स्रोतका अनुसार टेलिफोनमा वरिष्ठ नेता पौडेलले नआत्तिन प्रचण्डलाई भनेका छन् ।

‘पौडेल जीले फोन गर्नुभएको थियो । प्रचण्डलाई उहाँले नआत्तिन भन्दै ढाढस दिनुभयो– नेकपा फुट मिलेर सरकार बनाउँला ।’ स्रोतले भन्यो ।

प्रचण्डलाई बाबुरामको फोन, ओलीको अपमान सहेर नबस्न सुझाव

आइतबार बिहान प्रचण्डसंग जनता समाजवादीका संघीय परिषद अध्यक्ष बाबुराम भट्टराईले पनि फोनमा कुराकानी गरेका थिए । त्यसक्रममा डा. भट्टराईले पनि प्रचण्डलाई नेकपाका अर्का अध्यक्ष एवं प्रधानमन्त्री केपी शर्मा ओलीको अपमान सहेर नबस्न पनि सुझाव दिएका थिए ।