काठमाण्डौ,२० भाद्र । भक्तपुरको कौशलटारमा आइतवार दारी फुटसल टुर्नामेन्ट सम्पन्न भएको छ । दारीवाल युवाहरुलाई फुटसल खेलाएर सामाजिक कार्यको लागि आर्थिक सहयोग संकलन गरेको हो । यहि आयोजना बाट संकलन गरिएको नगद १०,००० रुपैयाँ दारी ग्याङ्गको एडमिन प्यानललाई हस्तान्तरण गरिएको छ । उक्त आर्थिक रुपैया सामाजिक कार्य गर्ने उदेश्यले दारी फुटसल टुर्नामेन्ट गरिएको हो ।
दारी टुर्नामेन्ट औपचारीक रुपमा सम्पन्न भएपछि एडमिन प्यानलले आयोजक सदस्यहरुलाई धन्यबाद दिएका छन । आयोजक सदस्यहरुमा आयुष पोखरेल,सुमन कार्तिक,अभियान ढुङ्गाना,सौगात ढुङ्गाना,अनुरोध न्यौपाने,अमुल्य बस्नेत, अभिषेक कर्ण, राजेन्द्र, र अनिश अतित रहेको थिए ।
बिहान ११ बजे देखि सुरु भएको खेलमा २८ ओटा टिम भिडेका थिए । ६ घण्टा चलेको खेलमा पहिलो चरण देखि नै नकाउट चरणको खेल भएको हो । प्रतियोगितामा पहिलो हुने दारी सानोठमील पहिलोे उपाधि उचालेको थियो भने दोश्रो भएका समुह दारी इम्पिरियल फुटसल बिजेताहलाई सम्मान सहित मेडल र प्रमाणपत्र वितरणमा गरिएको छ ।
फेसबुक देखि सुरु भएको दारी ग्याङ्गको यात्रा सामाजिक कार्यसम्म आईपुगेको हो ।

२० भदौ २०७३, सोमवार १६:०२ बजे प्रकाशित