नेपाल कम्युनिष्ट पार्टी नेकपा का अध्यक्षद्वय केपी शर्मा ओली र पुष्पकमल दाहाल प्रचण्डबीचको भेटवार्ता सम्पन्न भएको छ ।

प्रधानमन्त्री निवास बालुवाटारमा झण्डै ३ घन्टा भएको भेटवार्तामा शुक्रबार बस्ने स्थायी कमिटी बैठकका एजेण्डाबारे छलफल भएको छ ।

भोलि सचिवालय बैठक बोलाउने तयारी छ ।

नेकपामा पछिल्लो समय देखिएको विवाद समाधान गर्न बनेको कार्यदलले दिएको सुझाव र कार्यान्वयनका विषयमा पनि अध्यक्षद्वयबीच छलफल भएको बालुवाटार स्रोतले जनाएको छ ।

मन्त्री मण्डल पुनर्गठन, प्रदेश सरकार फेरबदल गर्ने विषयमा पछिल्लो नेकपामा बहस चलिरहेको छ ।

दुई वर्ष मन्त्री भइसकेकाहरुलाई हटाएर नयाँ मन्त्री बनाउने विषयमा व्यापक छलफल भएपनि निचोड भने निस्किएको छैन ।

प्रधानमन्त्री केपी शर्मा ओलीले मन्त्रिपरिषद बैठकमै कोही मन्त्री नहट्ने भन्दै ढुक्कले काम गर्न भनेका थिए ।

ओली–प्रचण्डबीच भेटवार्ता सुरु, यी हुन एजेण्डा

अहिले खाली भएको मन्त्रालयमा मात्र नयाँ व्यक्तिलाई जिम्मेवारी दिने सोंचमा प्रधानमन्त्री ओली देखिएका छन् ।

प्रधानमन्त्रीले पछिल्लो समय खाली भएको अर्थ र सञ्चार तथा सूचना प्रविधि मन्त्रालयको जिम्मेवारी समेत अरु मन्त्रीलाई तोकेका छैनन् ।

२४ भदौ २०७७, बुधवार १४:०९ बजे प्रकाशित