सत्तारुढ नेपाल कम्युनिस्ट पार्टी नेकपा उपाध्यक्ष वामदेव गौतम राष्ट्रिय सभा सदस्य हुने भएसँगै एउटा प्रश्न उठेको छ– के अब बामदेवलाई प्रधानमन्त्री बनाउन संविधान संसोधन हुन्छ ? ।

यो प्रश्न किन पनि उठेको हो भने यसअघि बामदेवलाई राष्ट्रिय सभा सदस्य बनाउने र राष्ट्रिय सभा सदस्य पनि प्रधानमन्त्री हुन पाउने गरी संविधान संशोधन गर्ने चर्चा यसअघि कै हो ।

बामदेवलाई प्रधानमन्त्री बनाउन कै लागि संविधान संशोधन गर्ने भनेको भनेर यसअघि नै पनि आलोचना भएको थियो ।

उनी पटक पटक मन्त्री र उपप्रधानमन्त्री भइसकेका छन् । उनकै भाषामा अब उनलाई देशको नेतृत्व गर्ने रहर छ ।

प्रधानमन्त्री बन्ने चाहना छ । त्यसका लागि प्रतिनिधि सभा सदस्य हुनुपर्छ ।

गत चुनावमा उनी प्रतिनिधि सभा सदस्यमा पराजित भएका थिए । पराजयका बाबजुत गौत्तमले प्रधानमन्त्री हुने चाहना राख्दै आएका छन् ।

वामदेवलाई राष्ट्रिय सभामा मनोनित गर्ने निर्णय

उनले सार्वजनिक रुपमै भन्दै आएका छन्– अब प्रधानमन्त्री हुने पालो मेरो हो

माओवादीलाई शान्ति प्रकृयामा ल्याउने कुरामा, दुई पार्टी एकता गर्ने कुरामा र राष्ट्रियताको मुद्धामा उनी निकै अडान राख्ने पात्रका रुपमा छवि बनाएका छन् । उनले महाकाली सन्धीको विरोध गर्दै ०५४ सालमा पार्टी समेत फुटाएर माले बनाए पनि ५६ सालको निर्वाचनमा शुन्य सिट ल्याए पछि उनी विलम्व नगरी एमालेमा फेरी फर्किए । त्यस पछि भने मार्जिनलाईज हुदै संघर्ष गर्दै आएका उनी माओवादी र एमालेको मिलन पछि बनेको नेकपाका उपाध्यक्ष भएका छन् ।

ठीक छ उनले आन्दोलन गरे भूमिका खेले त्यसको प्रशसा होला , कदर होला तर उनी पटक पटक आफू प्रधानमन्त्री हुनै पर्छ भनेर जिकिर गरीरहेका छन् । हुन पनि सो पार्टीमा रहेका सबै बरिष्ठहरु केपी ओली , प्रचण्ड, झलनाथ खनाल र माधव कुमार नेपाल प्रधानमन्त्री भईसकेका छन् अब पालो मेरो हो भन्ने उनको दावी स्वभाविक पनि होला उनको पार्टीको तहमा । तर देशका लागि किन बामदेव नै चाहिने ? चुनाव हारेकालाई किन प्रधानमन्त्री बनाउन संविधान संशोधन गर्ने भन्ने पनि छ ।

लौ ससदको निर्वाचन जितेर आएको भए, वर्तमान प्रधानमन्त्रीले राजीनामा दिएको वा विरामी भएर छाडेको भए एउटा स्वभाविक प्रकृया हुन सक्थ्यो । तर बामदेवको मनोकाक्षा पूरा गर्नकै लागि भनेर संविधान शसोधन गर्ने ?

सरकारले गरेको काममा जनतालाई कहाँ चित्त बुझेको छैन ? के कमजोरी भएको छ त्यो सच्याउन तिर लागे हुदैन । जनताको मन जीत्न लागे हुदैन । प्रधानमन्त्रीकै लागि जन्मेका हुन् गौतम ? यस्ता यावत प्रश्न छन् ।

प्रधानमन्त्री हुन चाहिरहेका गौत्तमबारे पूर्व पूर्वप्रधानमन्त्री एवं जनता समाजवादी पार्टीका नेता डा. बाबुराम भट्टराईको टिप्पणी छ– जुन गोरूको सिंग छैन उसको नाम तिखे ?

बामदेवबारे बाबुरामको टिप्पणी- जुन गोरूको सिंग छैन उसको नाम तिखे ?

‘सत्ताधारी पार्टीको एजेन्डा चुनाव हारेको कुनलाई राष्ट्रियसभामा लैजाने ! तर, नाम कम्युनिस्ट रे, जुन गोरूको सिंग छैन उसको नाम तिखे ? बिहीबार अपरान्ह सामाजिक सञ्जाल ट्विटरमा डा. भट्टराईले लेखेका छन्।

अचम्मको कुरा त के भयो भने गौतमलाई राष्ट्रिय सभामा मनोनित गरेर अनि प्रधानमन्त्री हुने बाटो खुल्ला गर्ने भने पछि त यसले प्रतिपक्ष, नागरिक समाज, जनता सबैमा असन्तुष्टी फैलाउने नै छ ।

बाबुराम भट्टराईले अपील गरे जस्तो स्थीर र शक्तिशाली सरकार बनाउनका लागि कार्यकारी राष्ट्रपति या प्रधानमन्त्रीका लागि सविधान ससोधन हुन सक्छ ।

समाजवाद लागू गर्न सविधान शसोधन गर्न सकिन्छ । नत्र वामदेवका लागि मात्रै सविधान ससोधन गर्ने कुराले नेकपाको अद्योगतिलाई थप प्रसय दिनेछ ।

१८ भदौ २०७७, बिहीवार १९:२९ बजे प्रकाशित