काठमाडौँ, १४ भदौँ । राजधानीमा जारी शहिद स्मारक बी डिभीजन लिग फुटबलमा मंगलबार भएको एक मात्रै खेल बराबरीमा सम्पन्न

भएको छ । एन्फा कम्पलेक्स सातदोबाटोमा भएको खेलमा मध्यपुर युथ एशोसियसन र व्वाइज युनियन क्लबले २–२ गोलको बराबरी खेलेका हुन । ब्वाइज युनियनका विनोद लामाले पहिलो हाफको अतिरिक्त समयमा गोल गर्दै टिमलाई शुरुवाती अग्रता दिलाएका थिए भने दोश्रो हाफको ८० आँै मिनेटमा अभिषेक रिजालले एक गोल गर्दै ब्वाइज युनियनलाई २–० मा पुर्याएका थिए । तर दोश्रो हाफको अन्त्यमा आक्रमक देखिएको मध्यपुरलाई रोक्न खेलाडीलाई व्याइज युनियनका खेलाडीले लडाएपछि पाएको दुई ओटा पेनाल्टीलाई साजन प्रधानले गोलमा परिणत गर्दै खेल बराबरी ल्याएका थिए ।

१४ भदौ २०७३, मंगलवार १५:५० बजे प्रकाशित