काठमाडौँ, २९ साउन । रियो ओलम्पिकको महिला फुटबलमा आयोजक ब्राजिलसहित स्वीडेन, जर्मनी र क्यानडा सेमिफाइनल पुगेका छन । शनिबार बिहान भएको खेलमा अस्ट्रेलियालाई टाइब्रेकरमा पराजित गर्दै ब्राजिलले अन्तिम चारमा स्थान पक्का गरेको हो ।

टाइब्रेकरमा अष्ट्रेलिया ७–६ ले पराजित भएको थियो । यस्तै स्वीडनले पनि डिफेन्डिङ च्याम्पियन अमेरिकालाई टाइब्रेकरमा पराजित गर्दै अन्तिम चारमा स्थान सुरक्षित गरेको छ । रियोमा जर्मनी र क्यानडाले निर्धारित समयमा १–० को जित निकाल्दै सेमिफाइनलमा पुगेका छन ।

जर्मनीले चीन तथा क्यानडाले फ्रान्सलाई पराजित गर्दै सेमिफाइनल प्रवेश गरेका हुन । फाइनलका लागी अब आउने आइतबार पहिलो सेमिफाइनलमा ब्राजिल र स्वीडेन तथा दोश्रो सेमिफाइनलमा जर्मनी र क्यानडा भिड्नेछन ।

२९ साउन २०७३, शनिवार ११:५० बजे प्रकाशित