असार । दक्षिण अफ्रिकाका ओलम्पिक धावक ओस्कार पिस्टोरिय प्रेमिकाको हत्या आरोपमा दोषी ठहर भएका छन । उनलाई ६ वर्षको जेल सजाय सुनाइएको छ । ओस्कारले सन् २०१३ मा प्रेमिका रिभा स्टिनकम्पको गोलि हानी हत्या गरेको आरोपमा मुद्दा खेपिरहेका थिए । रिभा शौचालयमा भएका बेला गोलि लागेको थियो । ओस्कारले आफूले गोलि चलाएको स्वीकार गरेका थिए । तर उनले कोहि बाहिरी ब्यक्ति अनुमति बिना भित्र पस्न लागेको र आफ्नो ज्यानलाई खतरा भएकाले गोली चलाएको बताएका थिए ।सजाय सुनाउने बित्तिकै उनलाई जेल चलान गरिएको छ । ओस्कारले आफ्नो सजाय विरुद्ध अपिल गर्न भने सक्ने छन् । तर उनले अपिल नगर्ने उनका वकिलले बताएका छन् ।

२२ असार २०७३, बुधवार १५:०५ बजे प्रकाशित