काठमाडौं । नेकपा एमालेका नेता योगेश भट्टराईले कांग्रेस सभापति शेरबहादुर देउवालाई प्रधानमन्त्री बनाउन हस्ताक्षर नगरेको स्वीकारेका छन् ।

माधव नेपाल पक्षका २८ जनामध्ये २६ जनाकोमात्र हस्ताक्षर पेश भएकोमा भट्टराई र जयकुमार राईको छैन ।

भट्टराईले शुक्रबार साँझ सामाजिक सञ्जाल फेसबुकमा स्टाटस लेख्दै आफू इतिहासको कठोर मुल्यांकनमा खडा भएको बताएका छन् ।

भट्टराईले भनेका छन्मेरो राजनीतिक जीवन कै सबैभन्दा कठिन दिन आज ।

नेकपा एमालेको एकतालाई जोगाउन सकिन्छ कि भन्ने आशाले मैले आजको निर्णय लिएको हुँ । सही गरेंकी, गलत गरें ईतिहासको कठोर मुल्याङ्कनमा खडा छु ।

एमालेका नेताहरु सुरेन्द्र पाण्डे, घनश्याम भुसाल, गोकर्ण विष्टसहित सांसदहरु दिपकप्रकाश भट्ट, गणेश पहाडी लगायतले देउवालाई प्रधानमन्त्री बनाउन हस्ताक्षर नगरेको भने पनि उनीहरुको आधिकारिक वक्तव्य आएको छैन । पाण्डेले भने  पूरानै हस्ताक्षर प्रयोग भएको हुन सक्ने बताएका छन् ।

७ जेठ २०७८, शुक्रवार २०:५३ बजे प्रकाशित