काठमाडौं । एएफसी सोलिडारिटी कप फुटबल प्रतियोगिताको सेमिफाइनलमा नेपाल र लाओसले १/१ गोल गरेका छन् । मलेसियाको नेगेरी रङ्गशालामा खेल जारी छ । खेलको १७ औँ मिनेटमा लाओसले गोल गरेको छ ।
विमल घर्ती मगरले नेपालको लागि बराबरी गोल गरेका छन्। उनले ४७ औं मिनेटमा भरत खवासको पासमा गोल गरेका हुन् ।
नेपाल समूह ‘ए’को विजेता तथा लाओस समूह ‘बी’को उपविजेताको रुपमा सेमिफाइनलमा पुगेका हुन् । समूह चरणमा टिमोर लिस्टेसँग गोलरहित बराबरी खेलेको नेपालले ब्रुनाइलाई ३–० ले हराएको थियो । समूह चरणमा तीन खेल खेलेको लाओसले दुई खेलमा जित तथा एक खेलमा हार बेहोरेको थियो । श्रीलंकालाई २–१ तथा मंगोलियालाई ३–० ले हराएको लाओस मकाउसँग ४–१ ले पराजित भएको थियो ।

२७ कात्तिक २०७३, शनिवार ०९:४४ बजे प्रकाशित