१० फागुन । एपिएफ क्लब विराट गोल्डकप फुटबल प्रतियोगिता अन्तरगत सेमिफाइनलमा प्रवेश गरेको छ ।  विराटनगरको सहिद रंगशालामा सोमवार भएको क्वाटरफाइनलमा एपिएफले त्रिभुवन आर्मी क्लवलाई पराजित गर्यो ।  निर्धारित ९० मिनेटको खेल बराबरीमा सकिएपछि २० मिनेट थप गरिएको थियो । त्यसैको  १० औँ मिनेटमा एपिएफका गणेश लावतीले गरेको गोल निर्णयक बन्यो ।  विभागीय टिमहरु दुबै आक्रामक रुपमा प्रस्तुत भएका थिए । आर्मिले पटक–पटक गोल गर्ने मौका चुकाएको थियो ।  भोली मंगलबार नेपाल पुलिस क्वल र मनाङ मस्र्याङदीबिच प्रतिस्प्रधा हुनेछ ।
विजेताले ५ लाख एक हजार र उपविजेताले ३ लाख एक हजार रुपैयाँ प्राप्त गर्नेछन् ।

१० फागुन २०७२, सोमवार ०५:५४ बजे प्रकाशित