जनताका पक्षमा दृढ रहेर नेताहरूलाई आन्दोलित गराइराख्न युवा विद्यार्थीको महत्त्वपूर्ण भूमिका रहन्छ : प्रचण्ड

२३ असार, काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ ले जनताका पक्षमा दृढ रहेर नेताहरूलाई आन्दोलित गराइराख्नने युवा विद्यार्थीको महत्त्वपूर्ण भूमिका रहने बताएका छन् ।

बुधबार पाँच दलीय गठबन्धन निकट विद्यार्थी सङ्गठनका अध्यक्षहरूसँगको ज्ञापन पत्र बुझ्दै अध्यक्ष प्रचण्डले विद्यार्थीहरूले परिस्थितिको सही मूल्याङ्कन गर्दा सही सूचना सम्प्रेषण हुने समेत बताए ।

सो अवसरमा प्रचण्डले केपी शर्मा ओली र आफूहरू कुनै पनि कोणबाट उस्तै नभएको स्पष्ट पार्दै विगतदेखिका नेपाली इतिहासका तथ्य र प्रमाणहरूले प्रस्ट गरेको बताए ।

‘सम्पूर्ण रूपमा आत्मसमर्पण गर्ने केपी शर्मा ओलीका विरुद्ध विद्रोह गर्ने हामी र उनी उस्तै हुनै सक्दैन । २०१७ सालतिर केशरजंग रायमाझीले सामन्तका पक्षमा लागे भने पुष्पलाल जनताको अधिकारका लागि लडे ।

दुबैलाई उस्तै भन्ने त रु’, प्रचण्डको प्रश्न थियो । उनले विद्यार्थीको प्रतिगमन विरोधी आन्दोलनमा आफूहरूको पूर्ण समर्थन रहेको भन्दै नेपाली जनतालाई आफ्नो सार्वभौम अधिकार प्रयोग गर्न नदिने डिजाइनको खलपात्र केपी ओली बनाइएको बताए ।

प्रचण्डसँगको भेटमा विद्यार्थी नेताहरूले केपी ओलीको कुशासनको ठाउँमा सुशासनको अपेक्षा गरेको बताएका थिए । त्यसका लागि विद्यार्थीहरुले गर्ने अन्तरक्रियात्मक कार्यक्रममा सहभागी भइदिन अध्यक्ष प्रचण्डलाई आग्रह गरेका थिए ।

जनतामा छाएको निराशालाई आशामा परिणत गर्न नेताहरूले सार्वजनिक प्रतिबद्धता जनाउनुपर्ने विद्यार्थीहरूको आग्रह थियो ।

विद्यार्थी नेताहरूले प्रचण्डलाई बुझाएको ज्ञापन पत्रमा नेपालको संविधान को धारा ३१,३३ र ३५ ले क्रमशः शिक्षा, रोजगार र स्वास्थ्यको हकलाई मौलिक हकका रूपमा किटानी गरिएको जनताको संविधान प्रदत्त मौलिक हक कार्यान्वयन गर्नुको सट्टा ओली सरकार उल्टो दलाल, कमिशनखोर र माफियाहरूको चङ्गुलमा डुबेर अधिकार कुण्ठित पार्न उद्धत रहेको उल्लेख छ ।

२३ असार २०७८, बुधवार १५:५४ बजे प्रकाशित

प्रतिक्रिया दिनुहोस्

सम्बन्धित शीर्षकहरु