काठमाडौँ, कात्तिक १२। नवनिर्वाचित राष्ट्रपति विद्यादेवी भण्डारीले पद तथा गोपनीयताको शपथ लिएकी छिन् । राष्ट्रपति कार्यालय शीतलनिवासमा बिहीबार आयोजित विशेष समारोहमा प्रधानन्यायाधीश कल्याण श्रेष्ठले भण्डारीलाई पद तथा गोपनीयताको शपथ ग्रहण गराए । भण्डारीले शपथपत्रमा हस्ताक्षर गरेपछि निर्वतमान राष्ट्रपति रामवरण यादव, उपराष्ट्रपति परमानन्द झा, प्रधानमन्त्री केपी शर्मा ओली, सभामुख ओनसरी घर्तीलगायतसँग परिचय गरेका थिए । शपथ ग्रहणलगत्तै निवर्तमान राष्ट्रपति यादवले नवनिर्वा्चित राष्ट्रपति भण्डारीलाई पदभार हस्तान्तरण गरे । शपथ ग्रहणपछि नेपाली सेनाले राष्ट्रपति भण्डारीको सम्मानमा २१ तोपको सम्मान गारथ अर्पण गरेको थियो ।  भण्डारी ब्यवस्थापिका संसदबाट बुधबार राष्ट्रपतिमा निर्वा्चित भएकी हुन् ।

१२ कात्तिक २०७२, बिहीवार १०:५३ बजे प्रकाशित