काठमाडौँ, २१ पुस । थाइल्यान्डको एक अस्पतालमा उपचारारत एकीकृत नेकपा (माओवादी)का सचिव वर्षमान पुन (अनन्त)लाई भेट्न एकीकृत नेकपा (माओवादी) का अध्यक्ष पुष्पकमल दाहाल र सभामुख ओनसरी घर्ती मगर आज थाइल्याण्ड जादै छन् ।

कमलपित्त रोगको समस्याका कारण झन्डै दुई सातादेखि थाइल्यान्डमा उपचार गराइरहेका नेता पुनको अवस्था पछिल्लो समय थप गम्भिर बन्दै गएको छ।

उनलाई भेट्न र स्वास्थ्य अवस्थाबारे जानकारी दिन पार्टी अध्यक्ष प्रचण्ड र पुनकी श्रीमति थाइल्यान्ड जान लागेका सभामुख घर्तीका प्रेस सल्लाहकार बबिन शर्माले राससलाई जानकारी दिए ।

यसअघि सोही समस्याका कारण नेता पुनले भारतको मेदान्त अस्पतालमा उपचार गराएका थिए ।

पुनःसमस्या आएपछि उनी थप उपचारका लागि थाइल्यान्ड गएका हुन । अध्यक्ष प्रचण्ड र सभामुख घर्ती एकसातासम्म थाइल्याण्डमै रहने पनि जनाइएको छ ।

२० पुस २०७२, सोमवार २०:०४ बजे प्रकाशित