भुवन र एलिनाको तीज गीत ‘मखमली’ सार्वजनिक
२ साउन, काठमाडौं । गायक भुवन प्यासी र गायिका एलिना चौहानको लोक आधुनिक भाकाको तीज गीत ‘मखमली’को भिडियो सार्वजनिक भएको छ ।
गीतमा शंकर अधिकारी ‘घायल’को शब्द, गायक भुवनकै संगीत र राजेन्द्र बजगाइँको एरेञ्ज छ ।
गीतमा कोरोना महामारी र यसबाट जोगिनुपर्ने चेतनामूलक टुक्कासँगै मायाप्रेमको विषयलाई समेटिएको छ ।
सुर संगीत स्टुडियोमा निर्माण गरिएको गीतको म्युजिक भिडियोमा सरिता दान्कुटी र देव महतोको अभिनय रहेको छ ।
चितवनमा छायांकन गरिएको भिडियोमा शिव विकको निर्देशन, रवीन्द्र बरालको छायांकन र पदम सुवेदीको सम्पादन छ ।
गीत गायक प्यासीकै युट्युब च्यानलबाट सार्वजनिक गरिएको छ ।
२ साउन २०७८, शनिवार १२:१९ बजे प्रकाशित
