पछिल्लो समयका व्यस्त नायक सुशान्त कार्की कसैको एकहोरो प्रेममा परेर पागल भएको भिडियो सार्वजनिक भएको छ। शान्त र आकर्षक नायक कार्कीको कसैको एकहोरो मायाले गर्दा पागल भएको भिडियो सार्वजनिक भएको हो ।

‘पागल त हैन प्रिय’ बन्ने बोलको गीतमा उनले अभिनय गरेका छन् । रिर्जना रानाको एकहोरो मायामा परेका उनी आफ्नो प्रेमिकाको नजिक हुने जोसूकैलाई पनि हत्या गर्दै हिडेपछि प्रहरीले हिरासतमा लिएर यातना दिएको भिडियोमा देख्न सकिन्छ ।

प्रमोद खरेलको स्वरमा रहेको गीतको भिडियो मनछुने छ । विन्ध्याबासिनी म्युजिकले बजारमा ल्याएको भिडियो यसै हप्ता मात्र सार्वजनिक भएको हो ।

उनको नयाँ फिल्म ‘सुन्तलीलाई भगाई लग्यो झिल्केले’ र ‘तीन घुम्ती’मा प्रदर्शनमा आउँदैछन् ।

१ फागुन २०७२, शनिवार २१:३६ बजे प्रकाशित