लुम्बिनीका तीन सांसद पदमुक्त

१५ साउन, काठमाडौं । जनता समाजवादी पार्टी (जसपा)ले पार्टीको निर्णय विपरीत सरकारमा सामेल भएको भन्दै लुम्बिनीका तीन प्रदेश सांसदलाई कारवाही गरेको छ ।

कारवाहीमा पर्नेमा सन्तोषकुमार पाण्डे, विजयबहादुर यादव र कल्पना पाण्डे रहेका छन् । प्रदेश सभा सचिवालयले उनीहरू सांसदबाट पदमुक्त भएको सूचना जारी गरेको छ ।

यसअघि पनि पार्टीको निर्देशन उल्लंघन गरेको भन्दै सुमन शर्मा रायमाझीसहित चार सांसदलाई कारबाही गरेको थियो ।

तर, वैशाख १४ गते सर्वोच्च अदालतले अन्तरिम आदेश जारी गर्दै प्रदेश सभा सदस्यमा यथास्थितिमा राख्ने फैसला गरेको थियो ।

सांसद रायमाझीले भने आत्मालोचना गरेकाले कारवाही नगरिएको जसपाको भनाइ छ ।

१५ साउन २०७८, शुक्रवार १६:२० बजे प्रकाशित

प्रतिक्रिया दिनुहोस्

सम्बन्धित शीर्षकहरु