नेकपा स्थायी समिति सदस्य वर्षमान पुन अनन्तले प्रधानमन्त्री केपी ओलीलाई नेपालको संविधान, गणतन्त्र, समावेशीता, समाजिक न्याय जस्ता उपलब्धी खोस्न खोजेको बताएका छन् ।

संविधानमा व्यवस्था नभएकोबारे जानकारी भए पनि राष्ट्रिय र अन्तर्राष्ट्रिय शक्ति केन्द्र तथा निकायको सेटिङमा प्रतिनिधिसभा विघटन भएको पछिल्ला घटनाक्रमले पुष्टि गरेको उनको भनाइ छ ।

ओलीले विपक्षी र विरोधीलाई पेलेर अझै डेढ र दुई वर्ष सत्ता चलाउने सपना देखेको तर, त्यो सम्भव नभएको उनले बताए ।

‘ओलीजीले सबैलाई पेलपाल गरेर अझै डेढ÷दुई वर्ष सत्ता चलाउँछु भन्ने सपना देखिरहनुभएको छ’, पुनले भने, ‘जसको सेटिङमा प्रतिनिधिसभा सिध्याउनुभयो, उसैले वैशाखपछिका लागि अर्को खिलराजको खोजी गरिरहेको छ ।’

नेपालमा संविधान जारी गर्नु हुँदैन भन्दै संविधान रोक्न आएकाहरु र संविधान जारी भएपछि पनि लागू हुन दिन्नौं भन्नेहरु अहिले पनि शक्तिमै रहेको र उनीहरुको इशारामा ओलीले लोकतन्त्र, गणतन्त्र, समावेशीता तथा सामाजिक न्यायमाथि प्रहार गरेको पुनले उल्लेख गरे ।

वैशाखपछि उहाँलाई पनि मिल्काइन्छ । त्यसैले हामीले समय छँदै सजग गराउ नचाहेका छौं’ पुनले भने । ओलीले अरुका लागि खनेको खाल्डोमा आफैं फस्ने पुनको दाबी छ । तर, काँग्रेसलगाष्यत लोकतान्त्रिक आन्दोलनका सहयात्रीहरुसँग आन्दोलनमा सहकार्य गरेर संविधान बाचय छाड्ने अठोट पुनले व्यक्त गरे ।

निर्वाचन घोषणा गरेका कारण वैशाख अन्तिमसम्म वैधानिकता रहे पनि त्यसपछि वर्तमान कामचलाउ सरकारको वैधता सकिने पनि उनले स्पष्ट पारेका छन् ।

ओलीलाई सक्साएर प्रतिनिधिसभा विधटन गराउने शक्तिले नै अर्को खिलराज रेग्मीको खोजी गरिसकेको दाबी उनको छ ।

ओलीलाई दक्षिणपन्थको आरोप लगाउँदै पुनले दक्षिणपन्थहरु क्रान्तिकारी आन्दोलन हाबी हुँदा पछि लाग्ने र अलिकति मात्र कमजोर हुँदा टाउको उठाउने गरेको इतिहास संसारभर रहेको चर्चा गरे ।

ओलीसँग सानो झुण्ड बाहिरिए पनि जबजको मार्गनिर्देशनमा एमालेलाई जनताबीच लोकप्रिय बनाउने, पार्र्टीलाई विधि, प्रक्रिया, पद्धति र विचारका आधारमा अघि बढाउनुपर्छ भन्ने सोचका माधव नेपाल, झलनाथ खनाललगायत ठूलो पंक्ति र पूर्वमाओवादी एक ढिक्का भएको पुनको दाबी छ ।

ओलीले एउटै कम्युनिष्ट पार्टी निर्माण गर्ने, मुलुकलाई समाजवादको दिशामा लैजाने, मुलुकको विकास गर्ने भन्दा पनि आफूर्लाइ सत्तामा उक्लले भ¥याङका रुपमा पार्टी एकता गरेको पुष्टि अहिले आएर भएको टिप्पणी पुनले गरे ।

यस्तै आफ्ना अध्यक्षद्वय प्रचण्ड–नेपालमाथि ‘दुईटा खिया लागेको नटबोल्ट’ र ‘भेट्नु कुहिएको फल’ को संज्ञा दिएकामा पनि पुनले आपत्ति जनाए ।

यस्तै ओलीमा मुर्खता रहेको पनि उहाँको टिप्पणी छ ।

गत जेठमा स्थायी समिति बैठकमा नेताहरुले पार्टी र सरकार ठीक दिशामा गएन, जनतासँग पाएको म्याण्डेटअनुसार सरकार चलेन भन्ने विषय उठाउँदा ओलीले ‘मैले पद छाड्नुप¥यो भने कुर्सी नै भाँचिदिन्छु भनेर हिंडेको’ टिप्पणी गरे ।

४ सय ४१ सदस्यीय केन्द्रीय समितिका ३ सय १५ जना मूल नेकपाका रहेको भन्दै उनले विधि, पद्धति, विचार र जनमतबाट विचलित भएको ओली नेतृत्वको सानो झुण्ड बाहिरिँदैमा कम्युनिष्ट आन्दोलन कमजोर नहुने दाबी गरे ।

पुनले बहुमत प्राप्त दलको नेताले चाहँदैमा संसद विघटन हुने व्यवस्था संविधानमा नरहेको हेक्का राख्न सुझाव दिए । ‘वकिलहरुको र हाम्रो तर्क के हो भने पाउँदैन ।

एक जना नेताले सकेन भने अरु पनि विकल्प हुन्छ, राजीनामा दिएर हिंड्ने हो । काम गर्न सकेन भने राजीनामा दिन्छ,अर्को आउँछ कुरा स्पष्ट छ,’ उनले भने ।

६ माघ २०७७, मंगलवार १४:२७ बजे प्रकाशित