इपब्लिक संबाददाता,काठमाण्डौँ ।

गत वर्ष इबोला सङ्क्रमणपछि लन्डनमा उपचार गराई फर्किएकी स्कटल्यान्डकी नर्स पाओलिन क्याफर्कीलाई पुनः इबोला सङ्क्रमण भएको लन्डनस्थित रोयल फ्री अस्पतालले शुक्रबार पुष्टि गरेको छ । ३९ बर्षकी नर्स क्याफर्की गत वर्षको अन्त्यतिर सियरालियनमा इबोला प्रभावित रोगीहरूलाई सेवा दिने क्रममा इबोला रोगबाट प्रभावित भएकी थिईन । क्याफर्कीलाई अहिले रोयल फ्री अस्पतालको एकान्त कक्षमा उपचार गरिंदै गरेको अस्पतालले जनाएको छ । अस्पतालले शुक्रबार एक विज्ञप्ति जारी गर्दै स्कटल्यान्डको ग्लासगोस्थित क्वीन एलिजावेथ युनिभर्सिटी अस्पतालमा शुक्रबार बिहान मात्रै भर्ना गरिएको जनाएको छ । यसअघि गएको मङ्गलबार अचानक बिरामी परेपछि क्याफर्कीलाई एलिजावेथ युनिभर्सिटीमा उपचार दिइंदै आएको विज्ञप्तिमा जनाइएको छ । दुई दिनसम्म ग्लासगोमा उपचार गराएकी नर्स क्याफर्कीलाई इबोलाको सङ्क्रमण भएको पत्ता लागे पनि यो पहिलेको जस्तो सङ्क्रमण नभएको ग्लासगोले जनाएको छ । सिन्ह्वा