चितवन, २९ फागुन । नेपाली कांग्रेसका नेता रामचन्द्र पौडेलले पार्टी नेतृत्वले मूल्यांकन गरेर सबैलाई उचित ठाउँ दिनु पर्ने बताएका छन । पारिवारिक भेटघाटका लागि चितवन आएका पौडेलले पार्टीमा अब भागवण्डा गर्न नहुनेमा जोड दिए ।
पार्टी महाधिवेशनमा भएको हारलाई आफूले सामान्य रुपमा लिएको प्रतिक्रिया दिँदै उनले प्रजातन्त्रमा हार जित हुनु स्वभाविक भएको बताए ।
कांग्रेसको सम्पन्न १३ औं महाधिवेशनमा पौडेल नेता शेरबहादुर देउवासँग पराजित भएका थिए । नेता पौडेलले नवनिर्वाचित सभापति देउवालाई सहयोग गर्ने समेत बताए ।

२९ फागुन २०७२, शनिवार १०:५४ बजे प्रकाशित