विराटनगर,१० फागुन । मोरङ हुक्लाबारीबाट बोक्सी भन्दै मलमुत्र खुवाउने झाँक्री सहित ५ जनालाई नियन्त्रणमा लिइएको छ । ३ दिन अघि  हुक्लाबारी–२ का यशोदा डोटेल भण्डारीलाई आफ्नै श्रीमान र सासू ससुराले बोक्सी भन्दै मानव मलमुत्र खुवाउने प्रयास गरेका थिए ।
भण्डारीले बोक्सीको आरोपमा शारीरिक तथा मानसिक यातना दिँदै मलमुत्र खुवाउने प्रयास गरेको भन्दै प्रहरीमा उजुरी दिएपछि प्रहरीले उनकी श्रीमान रोशन भण्डारी, ससुरा छत्रबहादुर भण्डारी र  सासू रुपा भण्डारी, नन्द मन्दीका भण्डारी साथै झाँक्री इटहरीकी जानुका कोइरालालाई नियन्त्रणमा लिएको छ ।
घटना तीन दिनअघिको भएपनि प्रहरीमा जाहेरी दिएको आधारमा सोमबार मात्र घटना बाहिर आएको हो । उनले राष्ट्रिय नारी अधिकारवादी संघको सहयोगमा प्रहरीमा उजुरी दर्ता गराएकी हुन ।  झाँक्री कोइरालाको मन्त्रको प्रभावमा काम्नुपर्नेमा नकामेको भन्दै परिवारले यशोदालाई मलमुत्र खुवाउन खोजेपनि भण्डारी भागेकी थिइन ।

१० फागुन २०७२, सोमवार १५:४२ बजे प्रकाशित