दाङ, २३ कात्तिक । भारतीय नम्बर प्लेटको ट्रकमा सोमबार अज्ञात समूहले आगजनी गरेको छ ।  दाङको घोराहीमा केरा झारेर फर्किदै गरेको युपी ५५ सी ४०२५ नम्बरको ट्रकमा चार/पाँचजनाको अज्ञात समूहले ट्रकमा आगजनी गरेको चालक सुकदेव यादवले जानकारी दिए ।

भारतको कृष्णनगरबाट केरा लिएर आएको ट्रक फर्किने क्रममा घोराही–लमही सडकखण्डको चौपट्टामा रोकेर सो समूहले आगजनी गरेको यादवले बताए ।

आगजनीबाट ट्रक पूर्णरुपमा क्षति भएको दाङका प्रहरी प्रमुख कुबेर कडायतले जानकारी दिए । ट्रकमा आगलागी भएको जानकारी पाएलगत्तै घोराही नगरपालिकाबाट गएको वारुणयन्त्रले आगो नियन्त्रणमा लिएको थियो ।

२३ कात्तिक २०७२, सोमवार १७:३७ बजे प्रकाशित