सुनसरी, ११ चैत । सुनसरीको पकलीमा बिहीबार बिहान ट्याक्टर दुर्घटना हुँदा दुई जनाको मृत्यु भएको छ । पूर्वपश्चिम राजमार्ग अन्तर्गत स १ त ३२ ८८ नम्बरको ट्याक्टर बिहीबार बिहान सवा ६ बजेतिर इटहरी उपमहानगरपालिका १९ स्थित सशस्त्र प्रहरी बेसक्याम्प नजिकैको कल्भर्टमा ठोक्किएर दुर्घटना भएको हो । दुर्घटनामा परी दुईजना घाइते भएका छन् ।
मृत्यु हुनेहरुमा अन्दाजी २५ बर्षका गौरव रायक्षेत्रीको मृत्यु भएको हो । मृतक अर्का एक पुरुषको सनाखत भएको छैन । दुबै शवलाई इनरुवा अस्पतालमा राखिएको छ ।
भोजपुर रानीबास घर भएका ट्याक्टर चालक २१ बर्षका प्रताप राई र उदयपुरका रोशन राई भने घाईते भएका छन् । उनीहरुको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ ।

११ चैत २०७२, बिहीवार ०६:३० बजे प्रकाशित