काठमाडौँ, २० फागुन । प्रधानमन्त्री केपी शर्मा ओलीसँग बुधबार भारत विहारका मुख्यमन्त्री नितीश कुमारले शिष्टाचार भेटवार्ता गरेका छन् ।

नेपाल भ्रमणमा रहनुभएका मित्रराष्ट्र भारत विहार राज्यका मुख्यमन्त्री नितीशले प्रधानमन्त्री निवास बालुवाटारमा भेटवार्ता गरेका हुन् ।

भेटका क्रममा दुई देशबीचको प्राकृतिक सम्बन्धलाई अझै कसरी विकास गर्न सकिन्छ भन्नेबारे छलफल भएको प्रधानमन्त्रीका प्रेस सल्लाहकार प्रमोद दाहालले जानकारी दिए ।

“भेटका क्रममा प्रधानमन्त्रीले नयाँ संविधान जारी भएका अवस्थामा त्यसको कार्यान्वयनसँगै नेपाल आर्थिक विकासको बाटोमा अगाडि बढिरहेको बताउनुभयो”– दाहालले भने । मुख्यमन्त्री नितीशले प्रधानमन्त्री ओलीको भारत भ्रमणपछि दुई देशबीचको सम्बन्ध राम्रो हुँदै गएको बताए ।

रासस

२० फागुन २०७२, बिहीवार ००:०५ बजे प्रकाशित