काठमाडौं । गायक सत्यराज आचार्य आफ्नै स्वर, संगीत र रचनामा रहेको गजल संग्रह सार्वजनिक गरेका छन । ‘मधुशाला’ नाम दिइएको एल्बममा ८ वटा गजल समावेश छ । गजल संग्रहमा रहेको ‘गोरीभन्दा मलाई त काली मन पर्यो, अलि सोझी अलिअलि जाली मन पर्यो ‘गजलको भिडियो बनाएका छन् । गीतलाई उनले आफ्नो चौथो बैबाहिक वर्षगाँठको अवसरमा आज सार्वजनिक गरेका हुन । कार्यक्रममा सत्यराजले भने ‘यो गजल मैले मेरी श्रीमति अनितालाई डेडिकेटेड गरेर तयार पारेको हुँ । त्यसकारण म्यारिज एनिभर्सरी गिफ्टको रुपमा आजै सार्वजनिक गरें ।’ चलचित्र ‘आचार्य’ मा समेत नायक बनेका सत्यराजले अभिनयवाट पनि राम्रो तारिफ पाएका थिए ।

१३ वैशाख २०७३, सोमवार १०:२२ बजे प्रकाशित