नेपालका १२ जिल्लामा ५०० भन्दा बढी कोरोना संक्रमित रहेका छन् ।

जहाँ ५ सय भन्दा बढी उपचाररत कोरोना संक्रमित छन् ।

ती जिल्ला हुन्,

काठमाडौं

ललितपुर

पर्सा

महोत्तरी

रौतहट

मोरङ

बारा

सर्लाही

धनुषा

चितवन

रुपन्देही

सुनसरी

नेपालमा अहिलेसम्म कोरोना भाइरस संक्रमणका कारण २३९ जनाको मृत्यु भएको छ ।

पछिल्लो २४ घण्टामा थप ७६८ जना कोरोना संक्रमणमुक्त भएसँगै कोरोना संक्रमणमुक्त भई अस्पतालबाट डिस्चार्ज हुनेको संख्या २२ हजार १७८ पुगेको छ ।

नेपालमा कोरोना संक्रमित ४० हजार नाघे

नेपालमा कोरोना भाइरस संक्रमितको संख्या ४० हजार नाघेको छ । मंगलबार मात्रै १ हजार ६९ जना थपिएसँगै नेपालमा कोरोना कोरोना संक्रमितको संख्या ४० हजार ५ सय २९ पुगेको छ ।

१२ हजार ८८ जनाको कोरोना पीसीआर परीक्षण गर्दा १ हजार ६९ जना संक्रमित भएको स्वास्थ्य तथा जनसंख्या मन्त्रालयको नियमित प्रेस ब्रिफिङमा मंगलबार प्रवक्ता प्रा।डा। जागेश्वर गौतमले जानकारी दिए ।

काठमाडौं उपत्यकामा बितेको २४ घण्टामा ४ सय ८१ जना संक्रमित भएका छन् । काठमाडौंमा ३ सय ९३, भक्तपुरमा ३० र ललितपुरमा ५८ जना संक्रमित भएका छन् ।

पछिल्लो २४ घण्टामा ७ सय ८८ डिस्चार्ज भएका छन् । अहिलेसम्म डिस्चार्ज हुनेको संख्या २२ हजार १ सय ७८ रहेको छ ।

२४ घन्टायता ७६७ कोरोना संक्रमित संक्रमणमुक्त

पछिल्लो २४ घन्टामा थप ७ सय ६७ कोरोना संक्रमित संक्रमणमुक्त भएका छन्।

देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका हुन्।

योसँगै नेपालमा २२ हजार १ सय ७८ जना संक्रमित उपचारपछि निको भएका छन्। मुस्ताङ, र हुम्ला गरी २ जिल्लामा संक्रमित शून्य भएका छन्।

आज १२ हजार ८८ जनाको पिसिआर परीक्षण भएको छ। हालसम्म ७ लाख ५ हजार ५ सय ६० जना व्यक्तिको पिसिआर भएको मन्त्रालयले जनाकारी दियो।

मन्त्रालयका अनुसार ७ हजार ३ सय ९० जना क्वारेन्टाइनमा छन्। संक्रिय संक्रमितको संख्या १८ हजार १ सय १२ रहेको छ।

१६ भदौ २०७७, मंगलवार १६:४८ बजे प्रकाशित