चितवनको खैरहनीमा स्कुलभित्रै तास खेलिरहेको अवस्थामा ११ जना पक्राउ परेका छन् ।

खैरहनी नगरपालिका वडा नम्बर २ स्थित लिटल हेभन स्कुलमा तास खेलिरहेको अवस्थामा विद्यालयका हेडमास्टर सहित ११ जनालाई प्रहरीले पक्राउ गरेको हो ।

विहिबार दिउँसो १ बजेतिर विद्यालयका हेडमास्टर सहित ११ जनालाई पक्राउ गरिएको इलाका प्रहरी कार्यालय खैरहनीका प्रहरी निरिक्षक ऋषिराम घर्ती मगरले जानकारी दिए ।

उनीहरुको साथबाट ४५ हजार ६ सय ४० रुपैयाँ बरामद भएको प्रहरीले जनाएको छ । उनिहरू अहिले प्रहरीको नियन्त्रणमा रहेका छन् ।

१२ भदौ २०७७, शुक्रवार ०९:४९ बजे प्रकाशित