पोखरा, मंसिर १५ । चौधौं आहा रारा गोल्ड कप फुटबल प्रतियोगिता माघ ५ गतेदेखि १६ गतेसम्म हुने भएको छ । सहारा क्लब पोखराले आयोजना गर्दै आएको प्रतियोगिताका लागि अखिल नेपाल फुटबल संघले समय तालिका उपलब्ध गराएको हो ।

प्रतियोगितामा आयोजक सहारा सहित नेपालका ए डिभिजन, विदेशी, पूर्वाञ्चल र पश्चिमाञ्चलका १२ टीमले प्रतिस्पर्धा गर्ने सहारा क्लबका महासचिव केशबराज बरालले जानकारी दिए ।

यो प्रतियोगिता सञ्चालन गर्दा भएको नाफा सहारा एकेडेमीलाई उपलब्ध गराउने क्लवले जनाएको छ । सहारा क्लवले नै सञ्चालन गर्दै आएको एकेडेमीमा २६ जनाले अध्ययनसँगै फुटबल तालिम लिँदै आएका छन् ।

१६ मंसिर २०७२, बुधवार ०१:२२ बजे प्रकाशित