काठमाडौँ । पोखरेली कलाकारको पानी रङ्गको चारदिने चित्रकला प्रदर्शनी आईतवार काठमाण्डौँमा सम्पन्न भएको छ ।  ‘पानी रङ्गमा पोखरा’ शीर्षक दिइएको प्रदर्शनीमा कला संस्कृतिले धनी पोखराका दुई पुस्ताका प्रतिनिधि कलाकारका ६२ कला कृति समावेश थियो । पहिलो पुस्ताका दुर्गा बराल, बुद्धि गुरुङ, एलपी गुरुङ र दोस्रो पुस्ताका पदम घले, विश्वराज पराजुली र सूर्य बराइलीका पानी रङका कलाकृति प्रदर्शनीमा राखिएका थिए ।  प्रभू बैँक लिमिटेड, इभेन्ट म्यानेजमेन्ट संस्था रेशमको सहयोग तथा पोखरेली युवा सांस्कृतिक परिवारले प्रदर्शनीको आयोजना गरेका हुन् ।
प्रदर्शनीमा पाँच कलाकारका ६२ तस्बिर राखिएको थियो । प्रदर्शनमा १५ हजारदेखि ५० हजारसम्मका तस्बिर राखिएका थिए ।

९ जेठ २०७३, आइतवार १५:४९ बजे प्रकाशित