काठमाडौँ, २३ चैत । नेपाल रेडक्रस सोसाइटी नेरेसोको केन्द्रीय सभाको ४५औँ महाधिवेशन मकवानपुरको हेटौँडा बुधबारदेखि सुरु हुँदै छ । हेटौँडा उप–महानगरपालिका पल्पसा रोडस्थित पल्पसा हलमा दुई दिने सम्म हुने महाधिवेशनमा ७५ वटै जिल्लाबाट रेडक्रसका तीन÷तीनजना प्रतिनिधि, केन्द्रीय कार्यसमिति र मनोनीत सभासद् गरी २७५ जना प्रतिनिधिको सहभागिता रहनेछ ।  महाधिवेशनमा नेपाल सरकारका विभिन्न मन्त्रालय, समाज कल्याण परिषद्, रेडक्रसको अन्तर्राष्ट्रिय समिति, अन्तर्राष्ट्रिय महासङ्घ तथा विभिन्न मुलुकका राष्ट्रिय सोसाइटीका प्रतिनिधिको पनि सहभागिता रहनेछ ।

२३ चैत २०७२, मंगलवार १५:४१ बजे प्रकाशित