बारा, मंसिर २० । बाराको गडीमाई नगरपालिकामा शनिबार राति अज्ञात समूहले रोकिराखेको बसमा आगजनी गरेका छन् । आगजनी पछि बसमा पूर्ण रुपमा क्षती पुगेको जिल्ला ट्राफिक प्रहरी कार्यालय निजगढ बाराले जनाएको छ । पूर्ब–पश्चिम राजमार्गको निजगढ पथलैया सडक खण्डको गडिमाई नगरपालिका–१६  मा तीन दिनदेखि बिग्रिएर रोकिएको ना ४ ख ३२१६ नम्बरको बसमा आगजनी गरिएको हो । आगलागी हुँदा बसभित्र कोही पनि नरहेको प्रहरीले जनाएको छ ।