बैतडी, २७ कात्तिक । बैतडीमा विद्यालय सञ्चालनका लागि शिक्षक, विद्यार्थी र अभिभावक मिलेर देउसी खेल्दै रकम सङ्कलन गरिरहेका छन् ।

जिल्लाको महारुद्र गाविसस्थित जगदम्बा उच्च माविका शिक्षक, विद्यार्थी र अभिभावक मिलेर गाउँमा देउसी खेलेर रकम सङ्कलन गरिरहेका उक्त विद्यालयका शिक्षक वीरेन्द्र भट्टले जानकारी दिए ।

“देउसी खेलेर सङ्कलन भएको पैंसोले विद्यालय सञ्चालन गर्न खर्च गरिनेछ” उनले भने ।  aसोमबारदेखि खेल्न सुरु गरिएको देउसीबाट आजसम्म ६६ हजार ४३२ रुपैयाँ सङ्कलन भएको छ । एकाउन्न जनाको समूह बनाई देउसी खेलिरहेको र शनिबारसम्म खेलिने शिक्षक भट्टले बताए ।

२७ कात्तिक २०७२, शुक्रवार ०७:४३ बजे प्रकाशित