काठमाडौं, ४ वैशाख । गोकर्णेश्वर नगरपालिका–१५ माकलबारीस्थित सडकमा बा १ ज ६२१७ नम्बरको माइक्रोबस र बा ३४ प ५४६९ नम्बरको मोटरसाइकल एकआपसमा ठक्कर खाई दुर्घटना हुँदा गम्भीर घाइते एकको मृत्यु भएको छ ।

दुर्घटनामा गम्भीर घाइते भएका मोटरसाइकल चालक सोही ठाउँ बस्ने सिन्धुली दुधौली–३ का भक्तबहादुर विकको नेपाल मेडिकल कलेज अत्तरखेल जोरपाटीमा उपचारको क्रममा मृत्यु भएको प्रहरीले जनाएको छ ।

मृत अवस्थामा फेला

यसैबीच, बानेश्वरस्थित बागमती नदी किनाराको सुकुम्बासी टोल बस्ने सिन्धुपाल्चोक सुनखानी–२ की ७५ वर्षीया रत्नमाया भण्डारी आज मृत अवस्थामा फेला परेकी छन् ।

उनी टोलनजिकैको चौरमा मृत फेला परेको प्रहरीले जनाएको छ । रासस

४ वैशाख २०७३, शनिवार १४:१६ बजे प्रकाशित