काठमाडौँ, १ माघ । बैशाख १२ पछि २९ मा गएको भूकम्पले क्षतविक्षत भएको दोलखाका भूकम्पपीडितलाई दलित एकता समाजले न्यानो कपडा राहत वितरण गरेको छ ।

मुलुकका विभिन्न ठाउँ तथा विदेशमा रहेका दलित प्रतिनीधिहरुबाट संकलित रकमले राहत वितरण गरिएको समाजकी सचिव सरु सुनारले जानकारी दिइन् ।

दोलखाको मेलुङ गाबिसमा रहेका बृद्ध तथा बालबालिकालाई सञ्जालले राहत वितरण गरेको हो । राहत वितरणमा हङकङ अल्पसंख्यक नेपाली समाजका अध्यक्ष असोक गहतराज, अमेरिका निवासी (नासो) का अध्यक्ष गोपाल बिश्वकर्मा,  (ग्लोबल फोरम) अध्यक्ष धर्म बिश्वकर्मा, अमेरिका निवासी  प्रकाश नेपाल , खेम भट्टचन, बिजय लामिछाने साउदीमा कार्यरत  राम रसाइली बिक, निद्रोश नेपाली , हरि परियार रमेश मोहोरा, कुबेतमा कार्यरत रोजन भुसाल, क्यानडामा कार्यरत तेन्जिङ लिम्बू लगाएतको सहयोगले राहत वितरण गरिएको सचिव सुनारको भनाई छ ।

राहत वितरणमा पत्रकार तथा विभिन्न संघ संस्थाको सहभागिता रहेको थियो ।

(तस्बिर :सरु सुनारको फेसबुकबाट)

१ माघ २०७२, शुक्रवार ०४:२१ बजे प्रकाशित