गुगल प्ले स्टोरमा जोकर भाइरसको आक्रमणबाट कसरी जोगिने?

६ असार, काठमाडौं । जोकर नामक भाइरसले गुगलमाथि पुनः आक्रमण गरेको छ । क्विक हिल सेक्योरिटीका शोधकर्ताहरुले गुगल प्ले स्टोरमा नयाँ जोकर मालवेयरयुक्त विभिन्न ८ वटा एप पत्ता लगाएका छन् ।

जोकर मालवेयर एन्ड्रोइड डिभाइसहरुमा निरन्तर आक्रमण गरिरहने भाइरस हो । यो डाटा चोर्ने भाइरस हरेक महिना जसो कोड परिवर्तन गरी गुगल प्लेस्टोरमा छिर्ने गरेको छ ।

शोधकर्ताहरुका अनुसार जोकर भाइरसले प्रयोगकर्ताका एसएमएस, कन्ट्याक्ट लिस्ट, डिभाइस इन्फो, ओटीपीलगायतका विभिन्न डाटाहरु चोर्ने गर्दछ ।

गुगलले जोकर भाइरसले संक्रमित गराएका उल्लेखित ८ वटा एपहरुलाई प्ले स्टोरबाट हटाइसकेको छ ।

तर प्रयोगकर्ताका स्मार्टफोनमा इन्स्टल भैसकेको अवस्थामा चाहिँ ती एपहरु डिलिट नहुन्जेल रहिररहनेछन् र प्रयोगकर्ताको स्मार्टफोन भाइरसको जोखिममा रहन्छ ।

तपाईंको एन्ड्रोइड स्मार्टफोनमा यी ८ वटा एपहरु छन् भने अहिले नै डिलिट गरिहाल्नुहोस्..

    • Auxiliary Message
    • Fast Magic SMS
    • Free CamScanner
    • Super Message
    • Element Scanner
    • Go Messages
    • Travel Wallpapers
    • Super SMS

६ असार २०७८, आइतवार १४:२८ बजे प्रकाशित

प्रतिक्रिया दिनुहोस्

सम्बन्धित शीर्षकहरु