२२ जेठ, काठमाडौं । बेली डान्सरको रुपमा स्थापित कलाकार तथा मोडल  बिनु शाक्यले अनलाइनबाटै बेली डान्स सिकाउने अनलाइनमार्फत एक हप्तासम्म बेली डान्स सिकाउने भएकी छिन् ।

नेपालकी दर्शकमाझ बेली रानीको उपनामले समेत चिनिने बिनुले सात दिने बेली डान्स कार्यशाला सञ्चालन गर्न लागेको बताएकी छिन् । उक्त कार्याशाला अनलाइनमार्फत सञ्चालन गरिने शाक्यले जानकारी गराएकी छिन् ।

दर्जनौं स्टेज कार्यक्रममा आफ्नो बेली डान्सको कला प्रस्तुत गर्दै आएकी बिनुले युवापुस्ताको चाहना अनुसार नै अनलाइनमार्फत पहिलो पटक यो नृत्यको प्रशिक्षण दिन लागेको बताएकी छिन् ।

पछिल्लो समय युवा पुस्तमा बेली डान्सको क्रेज बढ्दो छ । बिनुका अनुसार बेली डान्सको कार्यशाला यही जेठ २३ गते आइतबारदेखि जेठ २९ गते शनिवारसम्म सञ्चालन हुनेछ ।

कार्यशाला हरेक दिन साँझ ४ बजेदेखि ५ बजेसम्म हुनेछ। कार्यशालामा सहभागिता जनाउनका लागि प्रशिक्षार्थीले १५ सय रुपैयाँ तिर्नु पर्नेछ ।

कार्यशालामा सहभागिता जनाउन इच्छुक व्यक्तिले बिनुलाई उनको फोन नम्बर ०११-४९५१०१ मा सम्पर्क गर्न सक्नेछन् ।

२२ जेठ २०७८, शनिवार १२:५० बजे प्रकाशित