सरकारले नागरिकलाई कोरोनाबाट बच्ने सेल्फ उपाय खोज्दै गर्न आग्रह गरेको छ ।

अहिलेको दरमा संक्रमण बढ्दै गएको खण्डमा राज्यले आफ्नो साधन स्रोतबाट नभ्याउन सक्ने भन्दै स्वास्थ्य मन्त्रालयका प्रवक्ता जागेश्वर गौत्तमले यस्तो बताएका हुन् ।

सोमबार नियमित पत्रकार सम्मेलनमा उनले नागरिकलाई कोरोना भइहालेको अवस्थामा के गार्ने, कहाँ बस्ने जस्ता सेल्फ उपायको पूर्वा तयारी गर्न आग्रह गरेका हुन् ।

थप ७ जनाको मृत्यु
नेपालमा कोरोना भाइरस संक्रमणबाट थप ७ जनाको मृत्यु भएको छ ।

स्वास्थ्य तथा जनसंख्या मन्त्रालयले आज थप ७ जनाको मृत्यु भएको औपचारिक रुपमा पुष्टि गरेको छ ।

पछिल्लो २४ घण्टामा मृत्यु हुनेमा एक बालिकासहित तीन महिला र ४ पुरुष रहेका छन् ।

मृत्यु हुनेमा महोत्तरीमा ४ बर्षिय बालिका, गोरखा र रुपन्देहीका एक एक गरी तीन तीन महिला रहेका छन् ।

त्यस्तै झापा, रौतहट, चितवन भक्तपुरका एक एक जना रहेको स्वास्थ्य मन्त्रालयका प्रवक्ता डा। जागेश्वर गौतमले जानकारी दिएका छन् ।

योसँगै नेपालमा कोरोना संक्रमणबाट मृत्यु हुनेको संख्या २२८ पुगेको छ ।

थप ८९९ जनामा संक्रमण

नेपालमा पछिल्लो २४ घण्टामा थप ८९९ जनामा कोरोना संक्रमण पुष्टि भएको छ ।

कोरोना पुष्टि हुनेमा ३०३ जना महिला र ५९६ जना पुरुष रहेका स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।

मन्त्रालयको नियमित प्रेस ब्रिफिङका क्रममा सोमबार प्रवक्ता ड. जागेश्वर गौतमका अनुसार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या ३९ हजार ४६० पुगेको बताएका छन् ।

उपत्यकामा २९८ जनामा संक्रमण पुष्टि

काठमाडौं उपत्यकामा पछिल्लो २४ घण्टामा थप २९८ जनामा कोरोना भाइरस संक्रमण पुष्टि भएको छ ।

उपत्यकाका विभिन्न प्रयोगशालामा गरिएको परीक्षणमा थप २९८जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले जानकारी दिए ।

उनका अनुसार काठमाडौंका १९० जना, भक्तपुरका ४१ जना र ललितपुरका ६७ जनामा कोरोना भाइरस संक्रमण देखिएको हो । हिजो काठमाडौंका ३७२ जना, भक्तपुरका ४५ जना र ललितपुरका १२ जनामा कोरोना भाइरस संक्रमण पुष्टि भएको थियो ।

१५ भदौ २०७७, सोमवार १७:०० बजे प्रकाशित