सत्तारुढ दल नेपाल कम्युनिष्ट पार्टी .नेकपाका कार्यकारी अध्यक्ष पुष्पकमल दाहालले फेरी आलोपालो प्रधानमन्त्री हुने गरी भएको भद्र सहमतिको विषय उठाएका छन् ।

संघीय संसदको प्रतिनिधिसभाको लागि सभामुख चयनको विषयमा अध्यक्ष केपी ओलीले अडान लिएपछि अर्का अध्यक्ष प्रचण्डले सभामुख लिने भए प्रधानमन्त्री छोड्न ओलीलाई सुझाव दिएका छन् ।

सरकार गठन पूर्वको शक्ति-समिकरण सहमतिअनुसार पूर्व माओवादी केन्द्रको भागमा सभामुख पद परेको थियो । सोहीअनुसार कृष्णबहादुर महरा सभामुख बनाईएका थिए । महरा संसद सचिवालयमा कार्यरत महिला कर्मचारीमाथि यौन दुव्र्यवहारको आरोपमा यतिवेला जेल जीवन बिताईरहेका छन् ।

सभामुख रिक्त रहेको लामो समय भैसक्यो । तर, अहिलेसम्म संसदको सबैभन्दा ठूलो दल नेकपाले उम्मेद्वार चयन गर्न सकेको छैन् । ओलीले पूर्व सभामुख तथा नेकपाका संसदीय दलका उपनेता सुवासचन्द्र नेम्वाङको नाममा अडान लिएका छन् भने अर्का अध्यक्ष दाहालले कुनैपनि हालतमा नेम्वाङको नाम स्विकार्य नहुने कस्सी लिएका छन् ।

२४ पुस २०७६, बिहीवार १४:४४ बजे प्रकाशित