म्याग्दी, कात्तिक २८ । म्याग्दीको थामडाँडामा भएको यात्रुबस दुर्घटनामा मृत्यु हुनेको संख्या ३ जनाको मृत्यु भएको छ भने अन्य ६० यात्रु घाइते भएका छन् ।

बरङ्जाबाट बेनीतर्फ आउँदै गरेको ग १ ख ५३६६ नम्बरको बस थामडाँडाँको रत्नेखोलामा शनिबार बिहान ११ बजेतिर दुर्घटना भएको हो । दुर्घटनामा घाइते भएका मध्ये १२ जनाको अवस्था गम्भिर रहेको छ।

दुर्घटनामा दुई बालक र १९ वर्षीया एक युवतीको मृत्यु भएको जिल्ला प्रहरी कार्यालय म्याग्दीले जनाएको छ।

घाइतेमध्ये गम्भिर अवस्था रहेकाहरुको पोखरा र म्याग्दीकै अस्पतालमै उपचार भइरहेको छ। यात्रुले खचाखच बस सडकबाट करिब १ सय मिटर तल खसेको बस दुर्घटनाका प्रत्यक्षदर्शीहरुले बताएका छन् ।

२८ कात्तिक २०७२, शनिवार ०९:३६ बजे प्रकाशित