सिंगापुरका प्रधानमन्त्रीद्वारा कोरोना रोकथाममा गल्ति भएको स्वीकार

सिंगापुरका प्रधानमन्त्री ली सीन लूंगले कोरोना भाइरससँग लड्न सरकारले गल्ति गरेको स्वीकार गर्दै माफी मागेका छन् ।

संसदमा सम्बोधन गर्दै प्रधानमन्त्री लीले सरकारले छिटो र आक्रामक तरिकाले कारवाही गर्नुपर्नेमा त्यसो नगरेको स्वीकार गरेका छन् ।

सिंगापुरमा प्रवासी मजदुरलाई राख्ने विषयमा गल्ति भएको उनले बताए । मजदुरहरुलाई एकै कोठामा २०(२० जनालाई राखिएको थियो ।

शुरुमा सिंगापुरले कोरोनाविरुद्ध लडेको लडाईको विश्वभर प्रसंशा भएको भएपनि पछि सिंगापुरमा संक्रमण बढेको थियो ।

सिंगापुरमा अहिले ५६ हजार संक्रमित रहेका छन्, जसमा ५० हजारभन्दा बढी प्रवासी मजदुर रहेका छन् । उनीहरु दक्षिण एशियासहित अन्य देशबाट आएका मजदुर हुन् । उनीहरुलाई महामारीको क्रममा कै कोठामा २०(२० जना सम्म राखिएको थियो ।

पछि सरकारले आफ्नो रणनिति बदलेर व्यापक रुपमा परिक्षण गरेको थियो । सिंगापुरमा अहिले सीमा बन्द छ भने अर्थव्यवस्था मन्दी तर्फ गएको छ । अहिले सरकारमाथि मजदुरको सुरक्षामा ध्यान नदिएको आरोप लागेको छ भने प्रधानमन्त्रीले समेत सरकारबाट गल्ति भएको स्वीकार गरेका छन् ।

सिंगापुरमा अहिलेसम्म ५६ हजार ९०१ संक्रमित रहेका छन भने अहिलेसम्म २७ जनाको ज्यान गएको छ । सिंगापुरमा ५५ हाजर ८९१ संक्रमित ठिक भएका छन् भने देशमा केवल ९८३ सक्रिय संक्रमित रहेका छन् ।

१८ भदौ २०७७, बिहीवार ०६:३१ बजे प्रकाशित