उपसभामुख शिवमाया तुम्बाहाम्फेले आफुलाई सभामुख नबनाउने भए नेकपा सचिवालय निर्णय नमान्ने चेतावनी दिएकी छन् । नेपाल कम्युनिस्ट पार्टी नेकपाका अध्यक्षद्वय केपी शर्मा ओली र पुष्पकमल दाहाल प्रचण्डलाई संयुक्त रुपमा भेटेर उपसभामुख तुम्बाहाम्फेले राजीनामा नदिने अडान लिएकी हुन् ।

भोलिसम्म आफूलाई सभामुख बनाउने निर्णय नगरे संसद बैठक सञ्चालन गरेर सभामुखको चुनावी प्रक्रिया अगाडि बढाउने पनि उनले चेतावनी दिएकी छन् ।

नेकपाले भोलि अपराह्न ४ बजेका लागि सचिवालयको बैठक बोलाएको छ । बैठकमा सभामुख चयनलगायतका विषयमा छलफल हुने नेताहरुले बताएका छन् । आफुलाई सभामुख नबनाउने भए सचिवालयको निर्णय पनि नमान्ने उनको चेतावनी छ ।

२५ पुस २०७६, शुक्रवार १५:१० बजे प्रकाशित