काठमाडौँ । नेपाली काँग्रेसले आठौं प्रदेश बनाउने विषयमा प्रदेश नम्बर ५ का सांसदहरुसंग छलफल गर्ने निर्णय गरेको छ । मधेशकेन्द्रित दलको मागहरुमा सम्बोधन गर्न मध्यमार्गी बाटो भन्दै आएको ५ प्रदेशका पहाडका जिल्ला र तराईका जिल्ला छुट्याउने प्रस्तावबारे थप छलफल गर्नुपर्ने निश्कर्ष निकालेको छ ।
बैठकले संविधान संशोधन प्रस्ताव दर्ता गर्नुभन्दा पहिले मधेशी मोर्चासँग थप छलफल गरेर अघि बढ्नुपर्ने निश्कर्ष पनि निकालेको छ ।
बैठक पछि नेपाली कांग्रेसका बरिष्ट नेता रामचन्द्र पौडेलले सरोकारवाला सबै संग छलफल गरेर मात्रै निर्णय लिइने जानकारी दिए ।

७ मंसिर २०७३, मंगलवार १५:१७ बजे प्रकाशित